بخش دوم اشعار کتولی

چِلی،بالا چِلی بِریم خُولیندَر / چِجا نِرسو صِفا داره وِسیع سَر

گنو،مـایان و طـاویرِم قِشَنگه / هَمه قومِ کتول هابین بِـرادَر

 ***

دلِـم رِ غـم بَییتِه غـم بَییتِه/ درختِ خُشکِ رِ شبـنم بَییتِه

درختِ خشکِ رِ وَرفی  سَرِ کوه/ جوانِ خنده رو رِ غم بَییتِه

*** 

بَزِن نی رِ که غم دارِه دل من / بَزِن نی رِ که دورِ منزل من

بَزِن نی رِ مِقامِش  رِ بَگِردان / کـه دور دَکّتِه یارِ همدِل من

*** 

عَـرق چینِ سَرِم گُلچـه به گُلچه / مَنِ چِشمَک نَزِن کَتولی وَچِّه

مَنِ چشمک نَزِن من نُمـزِه دارِم / یَه جِفت اَنگوشتَرِفیروزه دارِم

*** 

پیئَر خُوب است و مادر نازِنینِه / بِرادر میوه یِ رویِ زمینِه

رِفیقـان قـدرِ همدیگـر بِـدانین / مِکـانِ آدِمی زیر زمینِه

گزیده ای از اشعار کتولی

چشمه یِ زاروئِم دَرووَروئِه / دَرّه ی آدُوآنِـم روبـروئِه

سِلام بَرِسانین شهربانو رِ / چرا نَدِندِن به من دختِرو رِ

 ***

مِسِلمانا نِفَس اَ باد بَییرین / زَنِ خُوب رِ اَ علی آباد بَییرین

زنِ خُوب در علی آباد و مزرعه/ میانِ سُرکِلا یَه یار بَییرین

 ****

حسین آباد ،قـلی آباد،گِنـاره / مَمَدآبـاد خِرابـه دَمِ دانـه

کاغذ رِ بَوِرین خانه به خانه / خولیندر بَوِرین بِسه جانانه

 ***

نِماشانی شومبه من بَرِفتان / سَرِ رام رِ بَییت یَه قُـدِّه تَلّان

اَلا نادیدگان همه بَوینین/ یَه چِشمَکِش بَزُوم روش رِ دَگِردان

*** 

بالا پیلِ قرق هابی مِکانِم /اَمان اَ ناله های صِبح وشامِم

اگـه نَمیرِم و زِنـدِه بِمانِم / تِلافی هـاکُنِم بـا دِشمِنانِم